JÓN PÁLL KRISTÓFERSSON

13. sæti

Jón Páll Kristófersson, Rekstrarstjóri

Ég er fimmtugur Þorlákshafnarbúi, sleit barnskónum í Hveragerði og á Selfossi en flutti til Þorlákshafnar í byrjun árs 1998 frá Akureyri þar sem ég var í Háskóla og útskrifaðist sem Rekstrarfræðingur á gæðastjórnunarsviði, Bsc.  Hingað flutti ég með konu minni Ólínu Þorleifsdóttur og elstu dóttir okkar en síðan hafa tvær dætur bæst við í hópinn og ein læða.  Ég hóf störf hjá útgerðar- og fiskvinnslufyrirtækinu Ramma HF haustið 1999 og hef stjórnað rekstri Ramma hér í bæ frá aldamótum.

Ég var virkur í starfi Kiwanis fyrstu árin hér í Þorlákshöfn en árið 2010 færði ég mig yfir í körfuboltann og hef verið í stjórn Körfuknattleiksdeildar Þórs nær óslitið frá þeim tíma og er nú auk þess í Meistaraflokksráði karlaliðs Þórs og formaður Meistaraflokksráðs kvennaliðs Hamars-Þórs.  Árið 2010 hóf ég einnig afskipti mín af sveitarstjórnarmálunum og var 1. varabæjarfulltrúi B lista til 2014 og síðan bæjarfulltrúi frá 2014 og þar til nú auk þess að sitja í ýmsum nefndum undanfarin þrjú kjörtímabil.

​

Segja má að körfuboltinn hafi verið fyrirferðarmikill hvað áhugamál varðar og ekki síst að fylgja dætrunum í æfingu og keppni í körfu sem og fimleikum.  Auk þess eru það ferðalög og útivist með fjölskyldunni af ýmsum toga, fjallgöngur, fjallahjóla og sjósund t.a.m. 

​

Það hefur verið sannur heiður að hafa fengið að taka þátt í að byggja upp samfélagið okkar hér í Ölfusi undanfarin 12 ár á vettvangi sveitarstjórnarmála og í öðru félagsstarfi frá því ég flutti hingað og mun ég taka þátt í því áfram enda spennandi tímar fram undan í sveitarfélaginu. 

Ég legg áherslu á að vanda þurfi til verka í þeim hraða uppvexti sem sveitarfélagið hefur verið undanfarin tvö kjörtímabil. Einnig þurfi að bæta og auka samtal og samráð á vettvangi bæjarstjórnar og nefnda og ekki síst við íbúa sveitarfélagsins þegar kemur að mikilvægum ákvörðunum sem áhrif hafa á samfélagið til framtíðar.